Қызылорда облыстық Қазақстан халқы Ассамблеясы жанындағы «Жомарт жан» орталығы Kinoplex киноорталығының қолдауымен «Жылы ұя» көркем фильмінің қайырымдылық көрсетілімін ұйымдастырды.

Шара мүмкіндігі шектеулі және әлеуметтік тұрғыдан аз қамтылған азаматтарға арналды. Мақсаты – оларға рухани қолдау көрсету және мейірімділік пен бірлік құндылықтарын насихаттау.

Қатысушылар ұйымдастырушыларға алғыстарын білдіріп, мұндай игі бастамалардың маңыздылығын атап өтті.

«Жомарт жан» орталығының үйлестірушісі Нұргүл Ақсақалова мұндай іс-шаралар рухани құндылықтарды нығайтуға ықпал ететінін және алдағы уақытта жалғасатынын айтты.